Ndonjëherë mjafton thjesht që të nisësh dhe më pas të mos dish të ndalesh. Kjo duket se ka vlejtur edhe për Endri Çekiçin. Pas golit të shënuar në javën e shkuar, futbollisti pogradecar dhe pjesë e U-21 të Shqipërisë dikur, ka shënuar në fitoren 4-2 që skuadra ku luan ai, Olimpija Ljubjana ka arritur ndaj Triglavit në javën e 31-të të kampionatit slloven. Çekiçi, në minutën e 59-të të duelit, dërgoi në 3 numrin e golave për skuadrën e tij pas një aksioni në krahun e majtë. Ndërsa pak minuta më vonë, përsëri shqiptar dha asistin për golin e katërt. Në aspektin personal, për Cekicin ishte goli i dytë radhazi, ndërkohë që Ljubjana me këtë tripikësh të marrë, arriti të konsolidojë vendin e dytë të renditjen e kampionatit.
Mirëpo veç Endrit Çekiçit, të dielën shënoi edhe një tjetër lojtar që është në rrethin e përfaqësueses kuqezi. Ndonëse jo më në Slloveni, por në Sllovaki. Për më tepër, goli i shënuar nga Kristi Qose me skuadrën e Ruzomberokut, pati një rëndësi më të madhe, përderisa e gjiti ekipin e mesfushorit në vendin e tretë, që të dërgon në Kupat e Evropës. Suksesi 3-2 ka ardhur ndaj Slovan Bratislavës dhe pikërisht goli i Qoses, i cili së fundi është bërë pjesë edhe e Kombëtares tonë, ishte vendimtar. Kjo, përderisa ndeshja shkoi 3-1 dhe në fund 3-2, pasi një goli të miqve. Për Qosen, ky ishte goli i shtatë në 19 ndeshje me fanellën e Ruzomberokut, ku u transferua pasi një eksperience të kaluar në Greqi me PAOK.
