Sadio Mane mund të rikthehet në Premier League, por jo sërish tek Liverpool. Në verën që lamë pas, sulmuesi u transferua me bujë në radhët e Bayern Munich, mirëpo duhet thënë se aventura e senegalezit në “Allianz Arena” nuk ka shkuar brenda pritshmërive.
12 gola të shënuar në 36 ndeshje të luajtura në të gjitha kompeticionet, është një e dhënë që nuk i ngrohë drejtuesit e kampionëve të Gjermanisë, të cilët janë të hapur të dëgjojnë ofertat mbi 31 vjeçarin.
Mirëpo, ajo që e vulosi në njëfarë mënyre fatin eMane në radhët e Bayernit, është konflikti që ai pati me shokun e skuadrës, Leroy Sane, që shkoi deri në përplasje fizike mes futbollistëve. Një sjellje e tillë është konsideruar e papranueshme nga drejtuesit, e kësisoj largimi duhet i pashmangshëm.
Duke iu referuar këtu mediave të huaja, klubi më i fundit që ka treguar interes për Sadio Mane, është Chelsea. Pavarësisht se kanë shpenzuar më tepër sesa 600 mln euro për përforcimin e skuadrës, Blutë e Londrës nuk ngopen në merkato dhe pikërisht Mane është objektivi i tyre kryesor për afatin kalimtar të verës. Dy herë kampionët e Europës pritet që të emërojnë Mauricio Pochettinon në krye të skuadrës, me argjentinasin që besohet të ketë shprehur pëlqimin e tij për transferimin e Sadio Mane.
Premier League është një terren që Mane e njeh imtësisht, për shkak të së shkuadrës së tij me Liverpool, e për këtë arsye, rikthimi në Angli, mund të konsiderohet një mundësi mjaft e mirë edhe për vetë futbollistin, për të gjetur edhe një herë tjetër, versionin më të mirë të tij.
