Presidenti i Rusisë Vladimir Putin shpallet nga revista prestigjioze Forbes si njeriu më i fuqishëm i planetit, duke lënë pas homologun amerikan Barak Obama. Për të dytën herë me radhë, Putin renditet në vendin e parë të kësaj liste.
Në vendin e tretë vjen presidenti i Kinës, Xi Jinping, Papa Françesku është i katërti, ndërsa kancelarja gjermane, Angela Merkel, radhitet e pesta.
Në këtë listë prej 72 emrash, këtë vit janë 26 amerikanë dhe 19 nga Azia, gjashtë prej tyre kinezë.
Vetëm nëntë prej 72 personave, janë femra, por dy prej tyre janë renditur mes 10 të parëve, Angela Merkel dhe shefja e Rezervës Federale të Shteteve të Bashkuara, Janet Yellen.
