Një apartament 5-katësh në Principatën e Monakos është shndërruar në apartamentin më të shtrenjtë në botë. Do të dalë në treg për 365 milionë euro në vitin 2017. Prona ndodhet në kullën Odeon, një qiellgërvishtës me lartësi 170 metra, godina më e lartë e Principatës dhe e dyta më e lartë në bregun e Mesdheut.
Kjo kullë ka 60 apartamente luksi. Çmimi vjen si nga mobiljet dhe pajisjet luksoze, pamja 360 gradë nga deti, pishina e stërmadhe në tarracë dhe ballkoni me rrëshqitëse. Sipërfaqja e tij është prej 3300 metrash katrorë të shpërndara në 5 kate.
