Mbrëmjen e djeshme është transmetuar në ekranin e 3Plus episodi i fundit i “Dashuri me Qira”, një nga serialet më të ndjekur në vend. Megjithatë, ajo që fansat e këtij seriali nuk dinë është se skenari i episodit të fundit nuk ishte ashtu siç u dha. Ka qenë Gupse Ozay, e dashura e aktorit kryesor Baris Arduc, i cili luan rolin e Omer, ajo që ka ndërhyrë në skenar.
E gjitha kjo ka ndodhur për shkak të xhelozisë së saj. “Mos parashikoni skena intime dhe puthje” – ka qenë kërkesa e Gupses. Duke qenë mike me skenaristin e serialit, ajo arriti të reduktonte çdo skenë “të tepërt” midis të dashurit të saj dhe aktores Elcin Sangu.
Gjithashtu, sipas gazetave turke raportohet se shumë shpesh Ozay qendronte në sheshin e xhirimit duke sjellë edhe shqetësime për të tjerët me prezencën e saj.
Megjithatë, nuk mund ta mohojmë se edhe episodi i cili u vendos si i fundit i serialit “Dashuri me Qira” ishte vërtet i bukur!
