Një tjetër koncert do të zhvillohet së shpejti në Sheshin Skënderbe. Pas suksesit të Ermalit dhe Rita Orës, tashmë është radha e një tjetër shqiptari, të cilin e kemi pak më pranë se dy artistët e parë. Bëhet fjalë për Noizyn! Ai ka premtuar të mbajë një koncert, gjë e cila është konfirmuar edhe nga kryetari i bashkisë Erion Veliaj.
Kjo nuk është hera e parë që Noizy mban një koncert në shesh, pasi vitin e kaluar ai mblodhi plot 100 mijë njerëz teksa performoi këngët e tij ndër vitë. Këtë herë, duket se Noizy do tentojë të thyejë rekordin e tij të mëparshëm, e pse jo ndoshta edhe atë të Rita Orës e cila u ndoq nga 250 mijë njerëz në shesh.
