Fatmagyl - Beren Saat

Beren Saat ka lindur në 26 Shkurt 1984 në Ankara të Turqisë. Që në fillimet e karrierës së saj ajo pati shumë kritika pozitive rreth aktrimit të saj. Gjatë kohës kur studionte në Universitetin Başkent mori pjesë në kompeticionin Türkiye’nin Yıldızları në të cilin u zbulua edhe nga regjizori turk Tomris Giritlioğlu. Ajo u përgatit për një rol kryesor nga regjizori Tomris për serialin Aşka Sürgün në vitet 2005-2006. Karriera e saj pati shumë sukses me rolin e Bihter në serialin e famshëm Aşk-ı Memnu në vitet 2008-2010, në të cilin mori shumë kritika pozitive dhe dy cmime Golden Butterfly. Një tjetër rol shumë i rëndësishëm i saj është edhe roli i Fatmagyl në vitet 2010-2012 në të cilën ka luajtur së bashku me aktorin Engin Akyurek.