Familja Kuqézi - Genti Kame

Genti Kame është një aktor shqiptar i cili ka lindur dhe është rritur në Tiranë. Ai emigroi në Itali për disa vite menjëherë pas rënies së komunizmit. Më pas, u transferua në Francë për t’u bashkuar me “Cour Florent”, një shkollë e njohur franceze. Pjesa kryesore e karrierës së tij zhvillohet midis Parisit, Romës dhe Tiranës, i njohur më së shumti si Niko i serialit francez me sukses ndërkombëtar Engrenage.

Kame numëron mbi 40 role në prodhimet kinematografike Gjermane, Italiane, Franceze dhe Zviceriane. Për sa i përket prodhimeve shqiptare, Gent Kame është i njohur për pjesëmarrjen e tij në filmin “Maya” si dhe “Një ditë e mrekullueshme”. Temperamenti i tij ballkanik, hijeshia e tij evropiane, e bëjnë atë një karakter mjaft interesant.