Mbretëresha e zemrave - Reina Ortiz

Do ta shohim atë në katër stade të ndryshme të jetës së saj, teksa shndërrohet si shpirtërisht edhe fizikisht.
Ajo është një vajzë e përulur dhe një rrobaqepëse e zonja, e cila lufton ndaj padrejtësive të njerkës dhe motrës së saj nga babai.
Një Hirushe e shekullit të 21-të, e cila e ka ëndërruar princin e saj të kaltër që në moshë fare të vogël, e cila fshihej nëpër kisha për të parë nuset në dasmat e tyre. Nja vajzë që ëndërronte fshehurazi në errësirën e dhomës së saj për të dashurin që do të vinte dhe do ta shpëtonte. Fati e vendos përballë sprovave më të mëdha, ajo do të humbasë dashurinë e jetës, do të përballojë e vetme një shtatzëni dhe do të martohet me një burrë të cilin e pandehte për njeri të mirë e bujar. Jeta e saj merr një kthesë të papritur dhe asgjë nuk është më si më parë. Ajo bie në kurthin e harresës dhe të dyshimeve dhe duhet të bëhet shumë e fortë para një burri që e dashuron dhe urren njëherësh.