Më thirr nënë - Episodet 28-29-30

Alevi kalon çaste të bukura pranë Zejnepes, ndërkohë që përpiqet të gjejë autorët e rrëmbimit të saj. Hasani del nga spitali dhe gjen Saliun me Pinarin brenda në shtëpi. Ndërkohë Damlla dhe Adnani zbulojnë vendndodhjen e Zejnepes pas gjurmimit të sinjalit telefonik. Ata rendin drejt saj, por cili do të jetë reagimi i Zejnepes kur t’i shohë dhe çfarë vendimi do të marrë ajo?!

Nevzati, në përpjekje për të shpëtuar martesën e së bijës, i rrëfen të vërtetën Adnanit në lidhje me vdekjen tragjike të mamasë së Ozlemit dhe traumën e parikuperueshme që pësoi vajza e tij në vegjëli. Merti e inkurajon Zejnepen për t’u përballuar me të atin e saj, por çfarë vendimi do të marrë ajo dhe çfarë pyetjesh bluan në mendje?!

Zejnepja shkon për t’i kërkuar llogari Adnanit, por bisedën e tyre e dëgjon rastësisht Merti, i cili mbetet i shtangur pasi merr vesh se kush është i ati i Zejnepes. Alevi shkon në shtëpinë e Damllës dhe e akuzon atë për marrëdhënien me Adnanin. Një sherr i madh shpërthen në familje dhe Damlla largohet nga shtëpia. Çfarë do të ndodhë mes Zejnepes dhe Mertit? A do t’ia tregojë ai të vërtetën?!