A vjen me pas dashuria? - Episodet 121-122-123

Selimi do të gënjejë i shtyrë nga Nexhdeti. Me shpresën se do të bëhet i pasur pas premtimeve të rreme të krushkut, Erkuti do të sigurojë kredinë duke lënë si garanci shtëpinë dhe kafenenë. Aishja dhe Keremi mësojnë të vërtetën nga detektivi privat, por kuptojnë se kanë rënë në duar të kriminelëve. Në arrati e sipër gjërat do të shkojnë shumë keq dhe fundi mund të jetë tragjik.
Aishja përmendet në spital, por Keremi vazhdon të jetë në koma. Muhsini i kërkon me ngulm asaj ta lërë të qetë të birin. Familja e Aishes denoncon kriminelët në polici. Si do të përmendet Keremi? Policia shpall të pafajshëm Nexhdetin dhe Bexhetin pasi nuk ka prova për mashtrimin e tyre.
Keremi i shëruar rikthehet në punë dhe kupton se çfarë është e rëndësishme në jetë. Aishja është më e vendosur se kurrë t’i fitojë zemrën Keremit, por ai i kërkon të mbeten thjesht kolegë. Erkuti dyshon se Fejza i fsheh diçka dhe kërkon ndihmën e Atilës për të zbuluar si qëndron e vërteta. Erkuti mëson se rivali i tij në dashuri është një biznesmen i fuqishëm.