A vjen me pas dashuria? - Episodet 131-132-133

Melahati tronditet thellë kur mëson nga Rizai se Aishja është shtatzënë. Kjo e fundit do t’i shpjegojë Gonxhës që lajmi për shtatzëninë e saj s’është i vërtetë dhe se u detyrua të gënjejë për të shpëtuar Keremin nga martesa me Xhejdën. Melahati do t’i kërkojë Rizait të flasë me Muhsinin për të ardhmen e lidhjes mes Keremit dhe Aishes.
Rizai dhe Muhsini pajtohen për hir të fëmijës së Keremit dhe vendosin të mbledhin të dyja familjet në një darkë të përbashkët. Aishja i tregon Keremit që nuk është shtatzënë në të vërtetë dhe se e ka gënjyer për të marrë hak. Të dy vendosin të vazhdojnë të shtiren. Xhejda do të vijë e paftuar në darkë dhe i thotë Muhsinit se Aishja dhe Keremi kanë gënjyer që në fillim për martesën e tyre të rreme dhe tani për fëmijën. Keremi vendos të paguajë një aktor që të luajë rolin e mjekut.
Xhejda sjell mjekun e saj në klinikën e rreme dhe kërkon që ai ta vizitojë Aishen. Muhsini e miraton kërkesën e saj. Mjeku i vërtetë konfirmon shtatzëninë e Aishes. Ndërkohë që të gjithë lehtësohen, Aishja merr një tjetër lajm tronditës nga gjinekologu i vërtetë. Ai pohon se gënjeu që ta shpëtonte Aishen nga pozita e vështirë dhe e këshillon t’i tregojë të vërtetën partnerit të saj. Xhejda e lënduar vendos të hakmerret ndaj Keremit.