Zonja Fazilet dhe të bijat - EPISODI 40-41-42

Selin zemërohet me Sinanin për shkak të mysafirëve që ka marrë në shtëpi. Fazileti e gënjen Hazimin duke i thënë se Kerimeja është e afërmja e saj. Nil shkon në vilë dhe mbyllet në dhomën e Sinanit. Çfarë do të ndodhë me Nilin? Ndërkohë Jasemini shkon në shtëpinë e Tarikut. Roja që i ka vënë pas Gokhani i tregon këtij të fundit për vendin dhe ai niset menjëherë për aty.
Jasini shkon në vilë dhe aty takon Selinin. Exheja nuk do të reagojë aspak mirë kur i shikon. Pas vizitës në spital bashkë me të ëmën, Exhe do të marrë një lajm që do t’i ndryshojë jetën. Fazileti mendon që babai i fëmijës është Jagizi. Sinani tronditet kur e gjen Nilin në shtratin e tij me damarë të prerë. Ndërkohë që ai e çon në spital, Hazani përpiqet të mësojë të vërtetën nga Jagizi.
Jagizi do të shohë Selinin në kafene bashkë me Jasinin dhe do të debatojë me ta. Hazani vendos të ndjekë lojën e Jagizit dhe të Sinanit dhe i thotë se pranon propozimin e tyre për t’u bërë imazhi i kompanisë. Fazileti është e bindur se fëmija i Exhesë është i Jagizit dhe shkon të flasë me të, por Jagizi i mohon të ketë lidhje me Exhenë. Jasini vendos të marrë hak, merr armën dhe shkon në vilë. A do ta çojë ai deri në fund hakmarrjen e tij?